وهان عليك؟

وهان عليك حبى

للشاعر محمد عبد القوى حسن

وهان عليك حبي
وهان عليك قلبي
نسيت خلاص حبي
نسيت أيامنا ليالينا
نسيت أحلامنا حكاوينا
نسيت القعده ع المينا
نسيت الشوق واحلامنا
نسيت والقلب صار قاسى
نسيت عقلك صبح ناسي
نسيت وهواك قلبي
نسيت ورضاك حبي
نسيت يوم كانت الفرحة تحضننا
غناك ع الشط يفتح لي
طريق للنور
وحوالينا الشجر والخضرة
حوالينا العيون الساحرة
حوالينا بنات الحور
حوالينا العطور وبخور
خلاص هانت خطا وينا
نسيت الشعر والأشعار
نسيت النغمة والموال
وكام كلمه ناقشهالك
على كفوفي المحنية
وقمره حبنا الأولى
في سمواتنا ملاليه
نسيت بدري
وطيف نجمي
وسمايا
نسيت حبي
وغناوى الفجر وراضيا
نسيت النسمة
نسيت البسمة
مع الرسمه
مع التوهه
مع التوهان
نسيت التوهه
ويا الدهشه والروقان
نسيتنى خلاص
أنا مش ناسي أيامك
ماعدش إحساس
أنا مش نأسى أحلامك ل
ا أيامك
ولا أحلامك
ولا أشعارك
ولا اللهجة
ولا البهجة
ولا المنجه
ولا النغمات ولا البسمات
ولا النسمات ولامسيات
راح أنساها
خلاص انسى خلاص اقسى
لكن طول عمري ماهانساك
وحاستاك
تعالى نغنى للأشعار
تعالى نغنى للأزهار
تعالى ونحضن البسمة
على كفوف الهوى والطير
تعالى نقول
لبسمة فجرنا الضاحك
صباح الخير
ياعينى يالليل
تعالى
فى تباشير الفجر
بدري
تعالى
في نسيم العمر
ياعمرى
تعالى
في سما روحي
حاجزلك
مطرحين واسعين
تعالى نغنى للعاشقين
تعالى نعود تانى حبيبين
واللحنلك مواويلك
بدر ليلك ضيا عينك واغنيلك
قصايدى وانت تسمعنى
واسمع شعرك النابض
كلام معناه يدمعنى
لسه بعد داكله
عنك قلب يقسى
لسه بعد داكله
عندك قلب ينسي
انا عارفك .. انا فاهمك
عشان ذلك انا اترجاك
على زكراك
حاعيش العمر هاستناك
واتمناك
تجينى فى نفس مرسانا
وتلقانا بنستناك
ونتمنى فى يوم رؤياك
ونتمنى تعود لهواك
اكيد راجع اكيد
راجع وبكره بالامل
نلقاك نلقاك
وماننساك