هَلّ هلالك شهر مبـــــارك

رح ابدأ حروفى بِعِطر الكلام

واصلى واسلم على ِمِسك الخِتام

رسولِ الهِِداية كرِيمِ السّجايا

شفيعِ البرايا من أهوال عِظام

ومش ممكن أنسى أسلِّم وابارك

على آل بيته والصّحب الكرام

واهنِّى وابارك وأفرح واشارك

رمضان هلّ خِيره ببدر التّمام

دا عِطر الزّمان وِنور المكان

يفوّء كسالى ويصحِّى النِّيام

رمضان شهر يشهد علىّ وعلِيك

وبرضو يِعرِّى ويِكشِف لِئام

ويِشفع صيامه ويِنفع قيامه

لِعبد بايمانه راح صلّى وصام

حنِدعِى بقلوبنا الرّب فى علاه

يقوِّينا دايما لأفضل قِيام

ويغفر ذنوبنا ويستر عيوبنا

ويِجعل طرِيقنا طريق الكِرام

وبانصح حبايبى وأهلِى وقرايبِى

رمضان شهر هِمّة يِحِبّ الهمام

والقرآن تملِّى يِِنادِى يِقولِّى

اِتأمِّل حروفى وأرقى انسجام

وكل ما تقرا رح يِرفع مقامك

ويِصبح مكانك فى أعلى مقام

دا قرآن الـــهى بِيؤمرنا دايما

بالتّوبة النّصوحه وحسن الكلام

رمضان شهر عِفة وستر وحِشمه

يقولك يا مؤمن أهدِيك السّلام

حتِدفع زكاتك وِتنوّر حياتك

وتِرجع لربك رجوع الكِرام

اِتصدّق بِمالك رح تِرحم عِيالك

وتطّهر فلوسك من اثم وحرام

وتعمّر مساجد وتكتّر فوايد

وِيومها حتِفرح وتِقدر تِنام

وِتريّح ضمِيرك وتِسعد بِلِيلك

دا غيرك بذنبه مش قادِر ينام

رائع مديحك لشهر الثوبة والغفران
تناسق العبارات ورشاقة المعنى
وبلاغة الكلام
مش جديد على صلاح تسلم الانامل

والأروع هو وصفك لكلامى المتواضع يالسندريلا
أشكرك مرتين
مرة على مرورك الذي عطّر صفحتي
والثانية على تعقيبك الذى أثرى موضوعي
دعاء